Sky Sports xabariga ko‘ra, «Manchester Yunayted» «Real» himoyachisi Rafael Varanni sotib olishga jiddiy qiziqish bildirmoqda.

Bu boradagi dastlabki muzokaralar fransuzning vakillari bilan «qaymoqranglilar» rahbariyati ruxsati bilangina o‘tkazilishi mumkin.

Ma’lum bo‘lishicha, «qizil iblislar» iqtisodiy inqiroz tufayli 28 yoshli futbolchini sotib olish uchun 50 million funtdan ko‘p bo‘lmagan mablag ajratishga tayyor. Shuningdek, klub o‘z futbolchilarini ushbu transferga qo‘shish variantlarini ham ko‘rib chiqadi.

Ma’lumot uchun, o‘tgan mavsumda Varan La Liganing 31 uchrashuvida 2 ta gol urgan edi.