Angliya terma jamoasi hujumchisi Raxim Sterling Daniya bilan uchrashuvidan so‘ng intervyu berdi. Angliya daniyaliklarni 2:1 hisobida mag‘lub etib, Yevropa chempionati finaliga yo‘l oldi.
“Ajoyib o‘yin. Ushbu turnirda biz mutlaqo boshqacha o‘yinga tushib qoldik, ammo o‘zimizni yo‘qotmadik va tezda xarakterni namoyish etib, hisobni tenglashtirdik. Qiyin bo‘lishini tushunardik. Chempionlik sari yana bir qadam. Jamoa to‘g‘ri yo‘nalishda harakat qilmoqda. Muxlislar? Atmosfera juda yaxshi edi. Angliya uchun futbol nima ekanligini hamma tushunadi. Kubokka ikkinchi da’vogar Italiya. Finalga juda yaxshi tayyorgarlik ko‘rishimiz kerak ", - dedi Rahim.
