Англия терма жамоаси ҳужумчиси Рахим Стерлинг Дания билан учрашувидан сўнг интервью берди. Англия данияликларни 2:1 ҳисобида мағлуб этиб, Европа чемпионати финалига йўл олди.
“Ажойиб ўйин. Ушбу турнирда биз мутлақо бошқача ўйинга тушиб қолдик, аммо ўзимизни йўқотмадик ва тезда характерни намойиш этиб, ҳисобни тенглаштирдик. Қийин бўлишини тушунардик. Чемпионлик сари яна бир қадам. Жамоа тўғри йўналишда ҳаракат қилмоқда. Мухлислар? Атмосфера жуда яхши эди. Англия учун футбол нима эканлигини ҳамма тушунади. Кубокка иккинчи даъвогар Италия. Финалга жуда яхши тайёргарлик кўришимиз керак ", - деди Раҳим.
