Italiya terma jamoasi himoyachisi Jorjo Kyellini Turinning «Yuventus» klubi bilan shartnomasini uzaytiradi. Bu haqda insayder Nikolo Skira Twitter sahifasi orqali ma’lum qildi.
Uning so‘zlariga ko‘ra, 36 yoshli futbolchining «keksa senyoralar» bilan yangi shartnomasi 2022 yilning yoziga qadar amal qiladi. Kelishuv rasman yaqin bir necha kun ichida e’lon qilinadi.
Eslatib o‘tamiz, Jorjo 2005 yildan beri Turin jamoasi sharafini himoya qilib kelmoqda. Italiya chempionatining yakunlangan mavsumida Kyellini 17 uchrashuv o‘tkazib, bitta golli pas bergan.
