"Barselona" va "Atletiko" jamoalari o‘rtasida Antuan Grizmann hamda Saul Niges rokirovkasini amalga oshirish bo‘yicha muzokaralar davom etmoqda.

Kataloniya klubi ish haqi miqdorini kamaytirish sabab bu almashinuvga rozi, biroq ular o‘z futbolchisining qiymatini yuqori deb baholaydi. 

Shu sababli, "ko‘k-anorranglilar" Madrid klubidan qo‘shimcha 15 million yevro talab qilmoqda, deya xabar bermoqda "Diario Sport" nashri. 

Eslatib o‘tamiz, "transfermarkt" portali ayni damda fransiyalik forvardni 60 million yevroga, Saulni esa 40 million yevroga baholamoqda.