"Everton"ning yangi bosh murabbiyi Rafael Benites 2007-yilda ("Liverpul" ustozi bo‘lganida) hozirgi jamoasini kichik klub deb aytgani haqida fikrlari bilan o‘rtoqlashdi.
"Hammasi kontekstga bog‘liq. Bu juda oldin aytilgan edi. Siz o‘z klubingiz uchun kurashishingiz kerak, hozir men shuni qilaman. "Everton" uchun kurashaman. O‘z qo‘limdan kelgan barcha
narsani, har bir uchrashuvda qilaman. Va klub tobora kengayib borayotganidan juda
xursandman. Rostini aytsam, mening yonimda yashaydigan "Everton" muxlislari xursand va
qo‘llab-quvvatlaydilar. Va hattoki "Liverpul" muxlislari ham bu mening Premyer-ligaga qaytishim
uchun imkoniyat ekanligini tushunib yetishdi, agar bannerlar haqida gapiradigan bo‘lsak, demak
gap bir yoki ikki kishi haqida ketmoqda. Bunday hollarda ko‘pchilik menga yaxshilik tilaganiga
e’tibor qaratish yaxshiroqdir. Futbol hissiyotlar bilan bog‘liq, har kimning o‘z fikri bor. Men
uchun bu APLda muvaffaqiyat qozonish, barchaga har kimga jang berishga qodirligimizni
isbotlash uchun qiyinchilik, imkoniyat. Qo‘rqmayman, aksincha, g‘alaba qozonmoqchiman", -
deydi ispaniyalik.
Eslatib o‘tamiz, Benites 2004-yildan 2010-yilgacha "Liverpul" bosh murabbiyi bo‘lgan.
Ispaniyalik "qizillar" bilan 350 o‘yin o‘tkazgan va mashhur Istanbul finalida Chempionlar Ligasida
ham g‘olib chiqqan.
