"Эвертон"нинг янги бош мураббийи Рафаэль Бенитес 2007-йилда ("Ливерпуль" устози бўлганида) ҳозирги жамоасини кичик клуб деб айтгани ҳақида фикрлари билан ўртоқлашди.
"Ҳаммаси контекстга боғлиқ. Бу жуда олдин айтилган эди. Сиз ўз клубингиз учун курашишингиз керак, ҳозир мен шуни қиламан. "Эвертон" учун курашаман. Ўз қўлимдан келган барча
нарсани, ҳар бир учрашувда қиламан. Ва клуб тобора кенгайиб бораётганидан жуда
хурсандман. Ростини айтсам, менинг ёнимда яшайдиган "Эвертон" мухлислари хурсанд ва
қўллаб-қувватлайдилар. Ва ҳаттоки "Ливерпуль" мухлислари ҳам бу менинг Премьер-лигага қайтишим
учун имконият эканлигини тушуниб етишди, агар баннерлар ҳақида гапирадиган бўлсак, демак
гап бир ёки икки киши ҳақида кетмоқда. Бундай ҳолларда кўпчилик менга яхшилик тилаганига
эътибор қаратиш яхшироқдир. Футбол ҳиссиётлар билан боғлиқ, ҳар кимнинг ўз фикри бор. Мен
учун бу АПЛда муваффақият қозониш, барчага ҳар кимга жанг беришга қодирлигимизни
исботлаш учун қийинчилик, имконият. Қўрқмайман, аксинча, ғалаба қозонмоқчиман", -
дейди испаниялик.
Эслатиб ўтамиз, Бенитес 2004-йилдан 2010-йилгача "Ливерпуль" бош мураббийи бўлган.
Испаниялик "қизиллар" билан 350 ўйин ўтказган ва машҳур Истанбул финалида Чемпионлар Лигасида
ҳам ғолиб чиққан.
