Gollandiyalik hujumchi, Rimning «Roma» klubi a’zosi Jastin Klyuyvert «Nissa»ga o‘tishi mumkin, deb yozadi jurnalist Fabrisio Romano o‘zining tvitter sahifasida.
Manbaga ko‘ra, klublar rasmiy kelishuvga yaqin turibdi. Jastin fransuzlar yangi bosh murabbiyi Kristof Galtye bilan bu borada gaplashib olgan.
O‘tgan mavsumda 22 yoshli Klyuyvert «RB Leypsig»da ijarada o‘ynadi. Forvard nemis klubi safida barcha turnirlar doirasida 29 ta o‘yin o‘tkazib, to‘rtta gol urdi va bitta golli uzatma bergan.
Uning «Roma» bilan shartnomasi 2023 yilning yozigacha amal qiladi.
