Голландиялик ҳужумчи, Римнинг «Рома» клуби аъзоси Жастин Клюйверт «Ницца»га ўтиши мумкин, деб ёзади журналист Фабрицио Романо ўзининг твиттер саҳифасида.
Манбага кўра, клублар расмий келишувга яқин турибди. Жастин французлар янги бош мураббийи Кристоф Гальтье билан бу борада гаплашиб олган.
Ўтган мавсумда 22 ёшли Клюйверт «РБ Лейпсиг»да ижарада ўйнади. Форвард немис клуби сафида барча турнирлар доирасида 29 та ўйин ўтказиб, тўртта гол урди ва битта голли узатма берган.
Унинг «Рома» билан шартномаси 2023 йилнинг ёзигача амал қилади.
