1994 yilning 18 iyul oqshomi. AQSH. Italiyani finalgacha sochidan tortib olib chiqqan Robi Badjo oxirgi o‘yinda futbol tarixidagi eng alamli penalti qurboniga aylangan kecha.

Bugun shu sanaga 27 yil to‘libdi. Xash-pash deguncha...

Qizig‘i, Badjo na Yevropa chempioni bo‘ldi (hatto bu turnirga bormagan), na jahon shohsupasiga chiqdi. Lekin chempionlardan ko‘ra yoqimtoy bo‘la oldi. Faoliyati ssenariysi bois, yiqilishu qayta turishlari, temir irodasi bois.

Pley-offlarning qiroli, 90-yillar eng yaxshi futbolchisining mazkur surati orqa fondagi yulduz bilan naqadar katta ma’no kasb etadi:
Dunyo rassomlarining shohasarlari jamlangan muzeyga olib kiring, tomoshabinlari (surat o‘quvchilari) satrlar aro yozilmish qismatni mutolaa qilib charchamaydilar. Da Vinchi bu asrda tug‘ilganda, mavzuni almashtirardi balki.

Azizim, siz ham maestro suratidan nenidir o‘qishga urining, ma’nolar chiqarib ko‘ring, shoyad eng alamli mundial holatini his qilsangiz.

Ps: tasviriy san’at darajasida bo‘lgani bois bu tasvirni foto deyishga til bormadi...

Xayrulla Hamidov