«Yuventus» va Portugaliya terma jamoasi hujumchisi Krishtianu Ronaldu faoliyatidagi eng qiyin palla qaysi ekanini aytdi.

«12 yoshlik paytimda oilam bilan xayrlashib, Madeyradan Sportingga ko‘chib o‘tish faoliyatimdagi eng qiyin vaziyat bo‘lgan. Oilam men bilan xayrlashish uchun aeroportga kelgan. Ularning yuzida qora ko‘zoynak bo‘lsa-da, ularning ko‘zidan yosh oqayotganini ko‘rganman. Ularning bu qiyofasi ko‘z oldimda saqlanib qolgan. Shunday holatda samolyotga ko‘tarilganman. Bu faoliyatidagi eng og‘ir palla bo‘lgan. Men yig‘lagandim. Oilam esa Madeyrada qolgan», — dedi Ronaldu.

Eslatib o‘tamiz, Krishtianu 1997-2003 yillar oralig‘ida "Sporting" safida tarbiyalanib, shundan so‘ng "Manchester Yunayted"ga o‘tgan. U 2009 yilda "Real" bilan shartnoma imzolagan bo‘lsa, 2018 yilda "Yuventus" a’zosiga aylangan.