Italiyaning «Jenoa» klubi Goran Pandev bilan shartnoma muddatini uzaytiradi. Bu haqda «Evrosport» xabar berdi.

Xabarga ko‘ra, genuyaliklar 37 yoshli hujumchiga yangi shartnoma taklif qiladi. Pandevning o‘zi ham jamoada qolish istagini bildirgan. Yangi shartnoma 2022 yilgi mavsum oxirigacha imzolanishi kutilmoqda.

Eslatib o‘tamiz, Goran Pandev Yevro-2020’da Shimoliy Makedoniya terma jamoasi tarkibida qatnashgandi. Turnir yakunlangach, forvard terma jamoadagi faoliyati yakunlanganini ma’lum qildi.

Ma’lumot o‘rnida, Pandev «Jenoa» safida yakunlangan 2020/21 yilgi mavsumda 29 ta o‘yinda ishtirok etib, 7 ta gol va 3 ta golli uzatmaga mualliflik qilgan.