Италиянинг «Женоа» клуби Горан Пандев билан шартнома муддатини узайтиради. Бу ҳақда «Евроспорт» хабар берди.
Хабарга кўра, генуяликлар 37 ёшли ҳужумчига янги шартнома таклиф қилади. Пандевнинг ўзи ҳам жамоада қолиш истагини билдирган. Янги шартнома 2022 йилги мавсум охиригача имзоланиши кутилмоқда.
Эслатиб ўтамиз, Горан Пандев Евро-2020’да Шимолий Македония терма жамоаси таркибида қатнашганди. Турнир якунлангач, форвард терма жамоадаги фаолияти якунланганини маълум қилди.
Маълумот ўрнида, Пандев «Женоа» сафида якунланган 2020/21 йилги мавсумда 29 та ўйинда иштирок этиб, 7 та гол ва 3 та голли узатмага муаллифлик қилган.
