Serji Roberto ushbu yozda «Kamp Nou»ni tark etishi mumkinligi haqidagi mish-mishlarga qaramay, himoyachi 2021/22 yilgi mavsumda «Barselona»da o‘ynashni intiqlik bilan kutmoqda.
«Barchamiz juda xursandmiz. Birinchi mavsumoldi o‘yinimizni o‘tkazdik. Bu bizni mavsum boshlanishidan oldin yaxshi holatga keltirishga yordam beradi. Tayyorgarlikni davom ettirishimiz kerak. Biz yaqinlashib kelayotgan mavsumdan juda ko‘p sovrinlarni qo‘lga kiritmoqchimiz va bizda barcha jabhalarda kurashishga tayyor jamoamiz bor. O‘tgan mavsumni qanchalik yomon boshlaganimizni hisobga olib, bu mavsumni yaxshi boshlashga harakat qilamiz. Ketish? Hozircha, bu haqida o‘ylab ko‘rmadim», - deya Robertoning so‘zlarini keltiradi «Diario Sport» nashri.