Сержи Роберто ушбу ёзда «Камп Ноу»ни тарк этиши мумкинлиги ҳақидаги миш-мишларга қарамай, ҳимоячи 2021/22 йилги мавсумда «Барселона»да ўйнашни интиқлик билан кутмоқда.
«Барчамиз жуда хурсандмиз. Биринчи мавсумолди ўйинимизни ўтказдик. Бу бизни мавсум бошланишидан олдин яхши ҳолатга келтиришга ёрдам беради. Тайёргарликни давом эттиришимиз керак. Биз яқинлашиб келаётган мавсумдан жуда кўп совринларни қўлга киритмоқчимиз ва бизда барча жабҳаларда курашишга тайёр жамоамиз бор. Ўтган мавсумни қанчалик ёмон бошлаганимизни ҳисобга олиб, бу мавсумни яхши бошлашга ҳаракат қиламиз. Кетиш? Ҳозирча, бу ҳақида ўйлаб кўрмадим», - дея Робертонинг сўзларини келтиради «Diario Sport» нашри.
