«PSJ» yangi a’zosi Jorjinyo Veynaldum jamoadoshlari haqida gapirdi.

«Birinchi marta Neymarga qarshi maydonga tushganim esimda. U bizning beshta futbolchimizni aylanib o‘tdi. Hammamiz uni to‘xtatishga harakat qildik, ammo bu imkonsiz edi. Men uning qanchalik yaxshi futbolchi ekanligini o‘shanda bilganman: Neymar shunchalik tez va undan to‘pni olish shunchalik qiyin.

Neymar ajoyib futbolchi, ammo jamoada boshqa futbolchilar ham bor. Bu — Mbappe. U buni bizga qarshi o‘yinda isbotladi. Kilian buni Yevropa turnirlarida va xalqaro o‘yinlarda namoyish etdi. «PSJ»dagi hamma Mbappeni qolishini istaydi. U meni bu yerga o‘tishimning sababchilaridan biri - mana shunday futbolchilar bilan yonma-yon o‘ynash yoqimli.

Oldinroq, Neymar bilan shartnomani uzaytirgani ma’lum bo‘lganida juda xursand bo‘ldim. Men o‘zim ham xuddi shunday pozisiyada edim, aksariyat hollarda siz shunchaki hissiyotlaringizga e’tibor qaratasiz. Mbappe ham «PSJ»ni tanlaydi deb umid qilaman, chunki klub uni dunyoning eng yaxshi futbolchisi qilish uchun barcha imkoniyatlarni ishga solmoqda ", - deya Veynaldumning so‘zlarini keltirgan «RMC Sport».