Tokio-2020 Olimpiadasining ikkinchi kun dasturida boks bahslariga ham start berildi. Kunning birinchi jangi hamyurtimiz Tursunoy Rahimova ishtirokida kechdi.

-51 kg vazn toifasida ringga ko‘tarilgan vakilimiz polshalik Sandra Drabikka qarshi bahs olib bordi. Qiziqarli kechgan bahsda chiroyli jang o‘tkazgan Rahimova raqibasi ustidan irodali g‘alabaga erishdi.

Dastlabki raundda hakamlarning 4 nafar ustunlikni Sandraga berishdi. Hamyurtimiz keyingi bo‘limlarda faollikni oshirdi. Uning aniq zarbalari soni raqibinikiga nisbatan ko‘proq bo‘ldi. Natijada Tursunoy 4-1 hisobida g‘alaba qozondi — 29:28, 29:28, 30:27, 29:28, 28:29.

Shu tariqa, hamyurtimiz Olimpiya o‘yinlarida g‘alabaga erishgan ilk bokschi sifatida tarixga kirmoqda. Uning keyingi bosqichdagi raqibasi turkiyalik Buse Naz Chakiroo‘g‘lu bo‘ladi.