Yaponiyadagi olimpiadada og‘ir atletika bo‘yicha 55 kg. vazndagi ayollar dastlabki usul — dast ko‘tarish bo‘yicha mashqlarni bajarishdi.
Quvonarlisi, unda ishtirok etayotgan hamyurtimiz Muattar Nabiyeva eng yaxshi natija qayd etdi. U ilk urinishda 95 kilo toshni ko‘targan bo‘lsa, ikkinchi urinishda 98 kg.ni ko‘tarishda texnik xatoga yo‘l qo‘ydi. Uchinchi urinishda 98ni o‘ziga bo‘ysundirdi.
Dast ko‘tarish mashqidan keyingi natijalar:
1. Muattar Nabiyeva (O‘zbekiston) — 98 kg.
2. Xidilin Dias (Filippin) — 97 kg.
3. Chiyun Liao (Xitoy) — 97 kg.
4. Kamila Konotop (Ukraina) — 94 kg.
5. Kristina Shermatova (Turkmaniston) — 90 kg.
6. Ana Gabriyela Lopes (Meksika) — 90 kg.
7. Zulfiya Chinshanlo (Qozog‘iston) — 90 kg.
8. Nauxa Landulsi (Tunis) — 88 kg.
9. Yeunji Xam (J.Koreya) — 85 kg.
Siltab ko‘tarish mashqlari birozdan keyin start oladi.
