Bugun Olimpiadada o‘z bahslarini yakunlagan qilichbozimiz 18 yoshli Zaynab Dayibekova yutqazib qo‘ygani uchun xalqimizdan uzr so‘radi.
«Bu yergacha kelganimdan juda ham xursandman. Raqiblarimning barchasi kuchli edi. Men finalga qadar yetib borib, Vatanimiz bayrog‘ini balandlarga ko‘tarishni istagandim. Biroq menga omad yetmadi.
Vengriyalik raqibimga qarshi bahsning dastlabki qismida 2-8 hisobida mag‘lub bo‘layotgan edim, keyinchalik yetib olishga erishdim, biroq oxirida yana menga biroz omad yetishmadi.
Kuchli sportchilarga qarshi bahs olib borganim menga katta tajriba bo‘ldi. Ularning barchasi mendan katta sportchilar edi. Bu Olimpiada kelasi musobaqalarim uchun katta poydevor bo‘ladi. Xalqimizdan uzr so‘rayman»,-deydi Zaynab.
