Bir necha kundan buyon Pol Pogbaning «PSJ»ga o‘tishi bilan bog‘liq xabarlar matbuotda tarqalib turibdi. Parij klubi futbolchi bilan Yevro-2020dagi ajoyib o‘yinlaridan so‘ng shartnoma imzolashga harakat qilayotgani aytilmoqda.
Ammo «PSJ» klubining Fransiyadagi ko‘p sonli muxlislari Pogba transferidan norozi. Bunga esa fransiyalikning uch yil oldingi intervyusi sabab bo‘lgan. U o‘shanda «Canal +» ga : «Ishonchim komilki, men Parijda to‘p surmagan bo‘lardim. Men bu klub ishqibozi emasman. Negaki, ota-onam bolaligimdan «Marsel«ga muxlislik qilishgan. Meni ham shu ruhda tarbiyalashgan. Shunday ekan, bu klub mening rejalarimga to‘g‘ri kelmaydi», — degan edi.
Ma’lumot o‘rnida, Pogbaning «qizil iblislar» bilan yana bir yillik shartnomasi mavjud va u hozirda chorshanba kungi «Brentford» bilan o‘rtoqlik o‘yiniga tayyorgarlik ko‘rmoqda.
