«Atalanta» «Yuventus» markaziy himoyachisi Merix Demiral transferi bo‘yicha muzokaralarni davom ettirmoqda. Bu haqda jurnalist Nikolo Skira xabar beradi.
Qayd etilishicha, Demiralning transferiga shaxsan «Atalanta» bosh murabbiyi Jan Pyero Gasperini qiziqish bildirgan. U Bergamo rahbariyatidan ushbu bitimni tezroq hal etilishini so‘ragan.
O‘z navbatida «Yuventus» 35-40 million yevro miqdoridagi tovon puli evaziga Demiralni «Atalanta» yoki boshqa jamoaga qo‘yib yuborishga tayyor ekanligini bildirgan.
