Italiya terma jamoasi va "Roma" klubi futbolchisi Alessandro Florensi "Atletiko"ga o‘tmaydi, deb xabar beradi jurnalist Matteo Moretto.
Manbaga ko‘ra, "matraschilar" italiyalik futbolchini sotib olishdan manfaatdor emas.
Eslatib o‘tamiz, oldinroq Ispaniya chempionlarining italiyalik futbolchiga qiziqishi haqida ma’lumot bor edi.
O‘tgan mavsumda Florensi "PSJ"da ijara asosida o‘ynagan. Parijliklar futbolchini 10 million yevro evaziga sotib olish huquqiga ega edilar, lekin ular 65 millionga "Inter"dan Ashraf Hakimini sotib olishni tanladilar.
