Erta tongdan hamyurtimiz Yekaterina Voronina yengil atletikaning yetti kurash yo‘nalishida ishtirokini boshladi.

Dastlab sportchilar 100 metrga to‘siqlar osha yugurish bahsida qatnashishdi. Birinchi guruhda ishtirok etgan Voronina 14.19 soniya natija qayd etib, o‘z hisobiga 952 ochko yozib qo‘ymoqda. Qayd etish joiz, bu Yekaterina uchun mazkur yo‘nalishdagi shaxsiy rekord bo‘ldi.

Shundan so‘ng atletlar balandlikka sakrash sektorida bahslarga kirishishdi. Yekaterina 168, 174 va 177 sm. balandlikdan oshib o‘tdi. Ammo hamyurtimiz 180 sm. balandlikni 3ta urinishni zabt eta olmadi hamda ushbu yo‘nalishda o‘z ishtirokini to‘xtatdi. Mazkur natija uchun Voronina 941 ballga ega bo‘ldi.

Ikki yo‘nalishda to‘plangan ochkolar soni (1893) bo‘yicha Yekaterina 24 sportchi orasida 22-o‘rinni egallab turibdi.

Kunning ikkinchi yarmida Voronina yadro uloqtirish va 200 metrga yugurish mashqlarida ishtirok etadi.