Эрта тонгдан ҳамюртимиз Екатерина Воронина енгил атлетиканинг етти кураш йўналишида иштирокини бошлади.

Дастлаб спортчилар 100 метрга тўсиқлар оша югуриш баҳсида қатнашишди. Биринчи гуруҳда иштирок этган Воронина 14.19 сония натижа қайд этиб, ўз ҳисобига 952 очко ёзиб қўймоқда. Қайд этиш жоиз, бу Екатерина учун мазкур йўналишдаги шахсий рекорд бўлди.

Шундан сўнг атлетлар баландликка сакраш секторида баҳсларга киришишди. Екатерина 168, 174 ва 177 см. баландликдан ошиб ўтди. Аммо ҳамюртимиз 180 см. баландликни 3та уринишни забт эта олмади ҳамда ушбу йўналишда ўз иштирокини тўхтатди. Мазкур натижа учун Воронина 941 баллга эга бўлди.

Икки йўналишда тўпланган очколар сони (1893) бўйича Екатерина 24 спортчи орасида 22-ўринни эгаллаб турибди.

Куннинг иккинчи ярмида Воронина ядро улоқтириш ва 200 метрга югуриш машқларида иштирок этади.