Ertaga Tokioda davom etayotgan XXXII yozgi Olimpiya o‘yinlarining erkin kurash musobaqalarida 74 kg va 125 kg vazn toifasidagi polvonlar gilamga tushadi.
Shu sababli mazkur vazn toifalaridagi ishtirokchilar uchun qur’a tashlash marosimi bo‘lib o‘tdi.
Jumladan, -74 kg vazn toifasida yurtimiz sharafini jahon chempionati sovrindori, ikki karra Osiyo o‘yinlari g‘olibi Bekzod Abdurahmonov himoya qiladi. Qur’a natijasiga ko‘ra yurtdoshimiz 1/8 finalda Puerto-Riko vakili Franklin Matos Gomezga qarshi gilamga chiqadi.
Agar Abdurahmonov nimchorak finalda g‘alaba qozonsa, u holda 1/4 finalda rossiyalik Zaurbek
Sidakov hamda Gvineya-Bissau vakili Augusto Midana o‘rtasidagi bellashuv g‘olibiga qarshi
bahs olib boradi.
Sportchimizga omad tilaymiz.
