O‘zbekiston Profissional Futbol ligasi direktoriDiyor Imomxo‘jayev DTM imtihonlari va Superliga bahslari bir vaqtda bo‘lishi, abituriyentlarga noqulaylik tug‘diradimi, yoki yo‘qmi ushbu savollarga oydinlik kiritdi.
"Biz davlat imtihonlari bilan parallel ravishda futbol uchrashuvlarini o‘tkazish uchun maksimal harakat qildik. Abituriyentlarga halal bermasligi uchun barcha turdagi musiqalar, reklama roliklari, stadion suxandonining ovozidan voz kechishga qaror qildik.
Ammo har ikki tadbirni bir vaqtda o‘tkazishning baribir iloji kamdek. Shundan kelib chiqib, futbol uchrashuvlari stadionlarida o‘zgarishlar bo‘lib turadi. Ilm olish eng yaxshi va to‘g‘ri yo‘l. Shundan kelib chiqib, shu yo‘l uchun harakatda bo‘lgan barcha abituriyentlarimizga omad tilaymiz. Farzandining o‘qishga kirish quvonchi har bir oilani qamrab olishiga tilakdoshmiz". - deydi PFL rahbari o‘z telegram kanalida.
