Tokio olimpiadasi tobora o‘z yakuniga yaqinlashmoqda. 6 avgust, juma kuni bir necha nafar sportchilarimiz bahslarda ishtirok etishdi. Bugun O‘zbekiston delegasiyasi hisobiga bitta bronza yozildi. Atletlarimizning bugungi natijalari bilan tanishtirib o‘tamiz.

Kanoe: ayollar, 500 metr, ikkilik: Dilnoza Rahmatova va Nilufar Zokirova
Qizlarimiz saralash bosqichida 4-o‘rinni egallashgan bo‘lsa, chorak finalda finishga 2-pog‘onada kelishdi va yarim final yo‘llanmasini qo‘lga kiritishdi. Yarim final va final bahslari ertaga, 7 avgust kuni bo‘lib o‘tadi.

Badiiy gimnastika: yakkalik, ko‘pkurash. Yekaterina Fetisova
Sabina Tashkenbayeva o‘rniga Yaponiya olimpiadasida qatnashgan hamyurtimiz turli yo‘nalishlarda quyidagi ball va o‘rinlarni egalladi (26 sportchi orasida).

To‘p bilan mashq — 19.400 (25-o‘rin)
Xalqa bilan mashq — 19.800 (25-o‘rin)
Lenta bilan mashq — 18.350 (21-o‘rin)
Bulava bilan mashq — 17.950 (21-o‘rin)
Yakuniy ball: 75.500 (24-o‘rin)

Erkin kurash: erkaklar, 74 kg.
Bekzod Abdurahmonov bronza medali uchun dastlabki jangda Gvineya-Bissau vakili Augusto Midana ustidan oson g‘alaba qozondi. Bronza medali uchun jangda esa hamyurtimiz qozog‘istonlik Daniyar Kaysanovni birinchi bo‘limning o‘zidayoq taslim etdi (13:2). Natijada O‘zbekiston delegasiyasi hisobiga ikkinchi bronza medali qo‘shildi.

Erkin kurash: erkaklar, 97 kg.
Rio-2016 sovrindori Magomed Ibragimov ilk bosqichdayoq turkiyalik Suleyman Karadenizga yutqazib qo‘ydi (3:3). Turk kurashchisi yarim finalda yutqazib, finalga chiqa olmagani uchun hamyurtimiz bronza medali uchun kurashish imkoniyatini qo‘lga kirita olmadi.

Zamonaviy beshkurash: ayollar.
Alise Faxrutdinovaning 5ta yo‘nalish bo‘yicha natijalari bilan tanishtirib o‘tamiz:

Qilichbozlik: 196 ball
Suzish: erkin usulda, 200 metr: 278 ball
Qilichbozlik: bonus bosqichi: 0 ball
Ot yo‘rttirish: 226 ball
Yugurish va o‘q otish: 465 ball
Jami: 1165 ball (30-o‘rin)