«Yuventus»ni sport liboslari bilan ta’minlovchi «Adidas» kompaniyasi klubning ayollar jamoasi rasmiy sahifasida qoldirilgan irqchilik ruhidagi tvitga o‘z munosabatini bildirdi.
Kompaniya matbuot kotibi bu haqda «Sky Sports»ga shunday deydi: «Adidas irqchilikni har qanday ko‘rinishini qattiq qoralaydi. Biz ushbu masala bo‘yicha klub bilan gaplashib olamiz. Irqchilikka sportda va jamiyatda o‘rin yo‘q».
Payshanba kuni kechqurun qo‘yilgan tvitda klub ayollar jamoasi himoyachisi Sessilya Salvay boshiga go‘yo shlyapa sifatida konus kiyib rasmga tushgan va ko‘zlarini barmoqlari bilan qisib, Xitoy millatiga ishora qilgan. Ushbu post Twitter tarmog‘ida 20 daqiqaga yaqin turgan va shu vaqt oralig‘ida 6000 dan ortiq sal’biy izohlarga sabab bo‘lgan.
