«Ювентус»ни спорт либослари билан таъминловчи «Adidas» компанияси клубнинг аёллар жамоаси расмий саҳифасида қолдирилган ирқчилик руҳидаги твитга ўз муносабатини билдирди.
Компания матбуот котиби бу ҳақда «Sky Sports»га шундай дейди: «Адидас ирқчиликни ҳар қандай кўринишини қаттиқ қоралайди. Биз ушбу масала бўйича клуб билан гаплашиб оламиз. Ирқчиликка спортда ва жамиятда ўрин йўқ».
Пайшанба куни кечқурун қўйилган твитда клуб аёллар жамоаси ҳимоячиси Сессиля Салвай бошига гўё шляпа сифатида конус кийиб расмга тушган ва кўзларини бармоқлари билан қисиб, Хитой миллатига ишора қилган. Ушбу пост Twitter тармоғида 20 дақиқага яқин турган ва шу вақт оралиғида 6000 дан ортиқ салъбий изоҳларга сабаб бўлган.
