Xabaringiz bor, O‘zbekiston U-15 terma jamoasi 2023 yilgi U-17 Osiyo kubogi saralash bosqichi bahslariga jiddiy tayyorgarlik olib bormoqda.
Server Jeparov murabbiyligi ostidagi o‘smirlarimiz 2-8 avgust kunlari poytaxtimizdagi «Chig‘atoy» stadionida mashg‘ulot o‘tkazdi.
Bugun U-15 terma jamoamiz Toshkent-Dushanbe havo reysi orqali Tojikistonga yo‘l oldi. O‘smirlarimiz 9-14 avgust kunlari Dushanbe shahrida tashkil etiladigan yig‘in davomida Tojikiston U-15 terma jamoasi bilan ikkita xalqaro o‘rtoqlik uchrashuvida maydonga tushadi.
Mazkur o‘rtoqlik o‘yinlari 11- va 13 avgust kunlari Dushanbedagi «Respublika Markaziy» stadionida bo‘lib o‘tadi. Bahslar yurtimiz vaqti bilan soat 19.30 da start oladi.