"Bavariya" bugun yarim himoyachi Yozua Kimmix bilan shartnomani uzaytirishi mumkin. Bu haqida Sky Germaniya nashri xabar bermoqda.

Manbaga ko‘ra, rasmiy e’lon 11 avgust, ya’ni bugun e’lon qilinadi. Ma’lum bo‘lishicha, buning uchun "Allianz Arena"da maxsus grafik tasvir tayyorlangan.

Kimmix "Bavariya"da 2015 yilning iyulidan beri o‘ynaydi. 2020/21 yilgi mavsumda u jamoa tarkibida 39 ta o‘yinda maydonga tushgan bo‘lib, o‘z hisobiga 6 ta gol va 14 ta golli uzatmani amalga oshirgan.
26 yoshli nemis futbolchisining amaldagi shartnomasi 2023 yil iyun oxirigacha amal qiladi.