"Arsenal" yarim himoyachisi Jo Uillok "Nyukasl"ga o‘tadi, deb xabar beradi Goal. "Kanonirlar" mazkur jamoaning taklifini qabul qilishdi. Transfer summasi taxminan 25 million funtni tashkil qiladi.
Kelishuv "Nyukasl" futbolchi bilan shartnoma shartlarini kelishgandan so‘ng rasmiylashtiriladi.
Uillok "Arsenal" tarbiyalanuvchisi hisoblanadi. O‘tgan mavsumning ikkinchi yarmida 21 yoshli yarim himoyachi ijara asosida "Nyukasl"da o‘ynagan. Ingliz futbolchisi mazkur jamoa safida 14ta o‘yin o‘tkazdi va 8ta gol urgan.
