«Chelsi» klubi futbolchisi Kristian Pulishich bobosi o‘limidan so‘ng, o‘z ruhiy salomatligi haqida ma’lum qildi. U bobosidan 2020 dekabr oyida ayrilgan edi. Bu esa uning ruhiy salomatligiga jiddiy zarar yetkazgan. Nabira may oyida jamoasi bilan YCHL g‘olibi bo‘lganidan keyin marhum asli xorvatiyalik bo‘lgan bobosi xotirasiga atab qo‘liga maxsus tatirovka chizdirgandi. U bu haqda:

«Bu voqea meni chuqur shokka tushishimga sabab bo‘ldi. Keyinchalik esa bundan qutulishim qiyin bo‘ldi. Bobomni yo‘qotganim barcha yaqinlarimni qayg‘uga soldi. Ayniqsa meni! Chunki u meni tug‘ilganimdan futbolchi bo‘lganimga qadar birga bo‘ldi», — deydi.

Futbolchi «Chelsi»ga 2019 yilda «Dortmund»dan transfer qilingan edi. U hozirgacha jamoasi safida 77 ta o‘yin o‘tkazib, 17 ta gol hamda 14 ta assist muallifiga aylangan.