«Челси» клуби футболчиси Кристиан Пулишич бобоси ўлимидан сўнг, ўз руҳий саломатлиги ҳақида маълум қилди. У бобосидан 2020 декабрь ойида айрилган эди. Бу эса унинг руҳий саломатлигига жиддий зарар етказган. Набира май ойида жамоаси билан ЙЧЛ ғолиби бўлганидан кейин марҳум асли хорватиялик бўлган бобоси хотирасига атаб қўлига махсус татировка чиздирганди. У бу ҳақда:

«Бу воқеа мени чуқур шокка тушишимга сабаб бўлди. Кейинчалик эса бундан қутулишим қийин бўлди. Бобомни йўқотганим барча яқинларимни қайғуга солди. Айниқса мени! Чунки у мени туғилганимдан футболчи бўлганимга қадар бирга бўлди», — дейди.

Футболчи «Челси»га 2019 йилда «Дортмунд»дан трансфер қилинган эди. У ҳозиргача жамоаси сафида 77 та ўйин ўтказиб, 17 та гол ҳамда 14 та ассист муаллифига айланган.