«Barselona» sharafini himoya qilgan afsonaviy fransuz futbolchisi Lilian Tyuramning o‘g‘li faoliyatini Italiyada davom ettirishi mumkin.

Milanning «Inter» klubi Markus Tyuram bilan muzokara olib bordi. Bu haqda Sky Sport Italia xabar bermoqda.

Manbaning xabariga ko‘ra, milanliklar Romelu Lukakuning o‘rinbosarini qidirmoqdalar va ko‘pqirrali Markusning timsolida shunday o‘yinchini ko‘rishmoqda.

Markus o‘tgan mavsum Myunxengladbaxning «Borussiya» klubi tarkibida barcha musobaqalar doirasida 40 ta o‘yinda maydonga tushib, 11 ta gol va 12 ta golli uzatmani amalga oshirgan.

Futbolchining klub bilan tuzgan shartnomasi 2023 yilning yozigacha amal qiladi va uning narxi taxminan 40 million yevroni tashkil qilmoqda.