«Барселона» шарафини ҳимоя қилган афсонавий француз футболчиси Лилиан Тюрамнинг ўғли фаолиятини Италияда давом эттириши мумкин.
Миланнинг «Интер» клуби Маркус Тюрам билан музокара олиб борди. Бу ҳақда Sky Sport Italia хабар бермоқда.
Манбанинг хабарига кўра, миланликлар Ромелу Лукакунинг ўринбосарини қидирмоқдалар ва кўпқиррали Маркуснинг тимсолида шундай ўйинчини кўришмоқда.
Маркус ўтган мавсум Мюнхенгладбахнинг «Боруссия» клуби таркибида барча мусобақалар доирасида 40 та ўйинда майдонга тушиб, 11 та гол ва 12 та голли узатмани амалга оширган.
Футболчининг клуб билан тузган шартномаси 2023 йилнинг ёзигача амал қилади ва унинг нархи тахминан 40 миллион еврони ташкил қилмоқда.
