Muhammad Saloh kelajagi borasida klubdan muhim takliflarni kutmoqda.

Futbolchining agenti Rami Abbosning «Liverpul»ning «Norvich»ga qarshi o‘yinidan so‘ng mavhum xabar yubordi: «Umid qilamanki, ular bu o‘yinni tomosha qilishyapti», - deb yozadi agent.

U bu orqali Salohga boshqa klubdan taklif tushishiga ishora qilgan. Matbuot buni Saloh bilan shartnoma borasida muzokaralar olib borilmagani belgisi sifatida baholadi.

Misrlik turli takliflarni ko‘rib chiqishga tayyor. Shu bilan birga, uning ustuvor vazifasi - klubda qolish.

Ma’lumot uchun, «Norvich» bilan o‘yinda Saloh o‘z jamoasi urgan barcha gollarda ishtirok etdi.