"Vest Xem" klubi ustozi Devid Moyes transferlar oynasi yopilishidan oldin yangi hujumchi xaridini amalga oshirishni rejalashtiryapti. Xabarlarga ko‘ra, London klubi "Sevilya"ning 30 yoshli hujumchisi Lyuk De Yong transferi bo‘yicha ish olib bormoqda.
Niderlandiyalik futbolchiga klubi bu yozda ketishga ruxsat berishi kutilmoqda. Negaki, andalusiyaliklar "Vulverxempton"dan Rafa Mir xaridini amalga oshiradi.
Shu sabab De Yong uchun takliflar ko‘rib chiqilishi mumkin. Moyes jamoasida Maykl Antonio yagona hujumchi hisoblanadi va u uchun yaxshi tandem hosil qiluvchi old chiziq vakili zarur bo‘lmoqda.
