Yarim himoyachi Hoqon Chalxano‘g‘li A Seriyaning 1 -turidan o‘rin olgan "Inter" - "Jenoa" (4:0) bahsidan so‘ng "Inter"dagi debyut o‘yini haqida fikr bildirdi. Yarim himoyachi ushbu uchrashuvda bitta gol va bitta assistga mualliflik qildi.
"Men xotirjam edim. Bilaman, muxlislar bizdan ko‘p narsani kutishadi va biz bu uchun 45 kun
tayyorgarlik ko‘rdik. Biz qattiq va samarali ishladik. Uchrashuvni yaxshi boshladik va haqli
ravishda g‘alaba qozondik. Muxlislarga minnatdorchilik bildirmoqchiman, ularning qo‘llab -
quvvatlashini his qildim.
Men "Inter"ga qo‘limdan kelgan hamma narsani bermoqchiman. Bilaman, Inzagi mendan ko‘p
narsa kutadi. Bizda ajoyib jamoa bor va maydon bo‘ylab yaxshi harakat qiladigan top-
futbolchilar bilan o‘ynash oson. Bizga bugun o‘yin yoqdi va biz bundan buyon ham zo‘r
o‘ynashni davom ettirmoqchimiz”, - deydi Chalxano‘g‘li
