«Manchester Yunayted» klubi Erling Xoland bilan shartnoma imzolashda yetakchilikni qo‘lga oldi. «BILD» nashrining xabariga ko‘ra, norvegiyalikka «Man Siti», «Real» hamda «Chelsi» qiziqayotganiga qaramay, mankunyanliklar bu borada dominantlik qila boshlagan.
Xoland bu yozdayoq ketishi aytilgan bo‘lsada, dortmundliklar Jeydon Sanchoni sotganidan so‘ng, uni olib qolishni afzal ko‘rdi. Futbolchining agenti Mina Rayola so‘zlariga ko‘ra, u o‘z jamoasiga boshqa klubga ko‘chish bo‘yicha jiddiy talab qo‘yishi mumkin.
«MYU» murabbiyi Sulsher 21 yoshli hujumchining muxlisi hisoblanadi. U Norvegiya milliy terma jamoasi hamda «Molde» klubida Xoland bilan birga ishlagan va uni Angliyaga ko‘chish uchun ko‘ndirishi mumkin. Avvalroq Xolandning yanvar oyidayoq klubini tark etishi mumkinligi haqida xabar qilingan edi.
