«Манчестер Юнайтед» клуби Эрлинг Холанд билан шартнома имзолашда етакчиликни қўлга олди. «BILD» нашрининг хабарига кўра, норвегияликка «Ман Сити», «Реал» ҳамда «Челси» қизиқаётганига қарамай, манкунянликлар бу борада доминантлик қила бошлаган.
Холанд бу ёздаёқ кетиши айтилган бўлсада, дортмундликлар Жейдон Санчони сотганидан сўнг, уни олиб қолишни афзал кўрди. Футболчининг агенти Мина Раёла сўзларига кўра, у ўз жамоасига бошқа клубга кўчиш бўйича жиддий талаб қўйиши мумкин.
«МЮ» мураббийи Сулшер 21 ёшли ҳужумчининг мухлиси ҳисобланади. У Норвегия миллий терма жамоаси ҳамда «Мoлде» клубида Холанд билан бирга ишлаган ва уни Англияга кўчиш учун кўндириши мумкин. Аввалроқ Холанднинг январь ойидаёқ клубини тарк этиши мумкинлиги ҳақида хабар қилинган эди.
