"Arsenal" rahbariyati jamoa bosh murabbiyi Mikel Artetani iste’foga chiqarish imkoniyatini ko‘rib chiqmoqda. Bu haqda Britaniya matbuoti xabar bermoqda. London klubi Premyer-liganing ikkita ochilish uchrashuvida mag‘lub bo‘ldi.
Jurnalistlarning fikricha, Artetaning o‘rnini "Inter" sobiq ustozi Antonio Konte egallashi mumkin. Ammo, qayd etilishicha, hozircha "Arsenal" keyingi o‘yinlarda natijalarning yaxshilanishiga umid qilishda davom etmoqda.
Eslatib o‘tamiz, yozda Konte "Tottenxem"ni boshqarishi mumkin edi, lekin tomonlar shartnoma shartlari bo‘yicha kelisha olishmadi.
