"Арсенал" раҳбарияти жамоа бош мураббийи Микель Артетани истеъфога чиқариш имкониятини кўриб чиқмоқда. Бу ҳақда Британия матбуоти хабар бермоқда. Лондон клуби Премьер-лиганинг иккита очилиш учрашувида мағлуб бўлди.

Журналистларнинг фикрича, Артетанинг ўрнини "Интер" собиқ устози Антонио Конте эгаллаши мумкин. Аммо, қайд этилишича, ҳозирча "Арсенал" кейинги ўйинларда натижаларнинг яхшиланишига умид қилишда давом этмоқда.

Эслатиб ўтамиз, ёзда Конте "Тоттенхэм"ни бошқариши мумкин эди, лекин томонлар шартнома шартлари бўйича келиша олишмади.