"Paxtakor" va O‘zbekiston terma jamoasi himoyachisi Ibrohimxalil Yo‘ldoshev "Nijniy Novgorod" klubiga ko‘chib o‘tdi. Futbolchi bugun klub matbuot xizmatiga dastlabki intervyusini berdi.
- "Nijniy Novgorod" klubiga o‘tishingiz haqida gapirsangiz?
- Menga juda ko‘p takliflar bor edi. Men hamyurtim Eldor Shomurodov o‘ynagan Italiyaning "Jenoa" klubiga o‘tishga yaqin edim. Biroq, Shomurodov menga Rossiya chempionatida kuchimni sinab ko‘rishimni maslahat berdi.
Shuningdek, Prosports Menajement agentlari bilan maslahatlashdim, qolaversa, "Nijniy Novgorod" bosh murabbiyi Aleksandr Anatolevich Kerjakov bilan suhbatdan so‘ng, men o‘zim uchun jiddiy qaror qabul qildim: Nijniyda qolaman!
- Yangi klubingiz bilan mashg‘ulotlarni boshladingizmi?
- Ha, mashg‘ulot menga yoqdi. Yigitlarning hammasi ajoyib, ular meni yaxshi kutib olishdi.
- Qaysi pozisiyada o‘ynaysiz?
- Men chap qanot himoyachisiman. Ammo meni "Nijniy Novgorod"ga lateral sifatida taklif qilishdi, shuning uchun men butun maydonning cheti bo‘ylab erkin harakat qila olaman.
- Nijniyda qaysi raqamni oldingiz?
- Bolaligimdan, "Paxtakor" akademiyasidan beri oltinchi raqamga ega bo‘ldim. U "Nijniy Novgorod"da ham hech narsani o‘zgartirmadi. Mening raqamim menga omad keltirsin! - dedi Yo‘ldoshev.
