«Manchester Siti» futbolchisi va sardori Kevin De Bryune «Arsenal»ga qarshi bahsni o‘tkazib yuborishi mumkin. Xabarlarga ko‘ra, futbolchi Yevropa chempionatidagi to‘pig‘idan olgan jarohatidan hamon qiynalmoqda.
Belgiyalik jarohati borligiga qaramay, «Tottenxem»ga qarshi ochilish uchrashuvida maydonga tushgan edi. «Norvich»ga qarshi bahsda esa, zahirada qoldirilgan. Yaqindagina Belgiya termasi ustozi Roberto Martinez 30 yoshli futbolchining sog‘lig‘i yomonligi tufayli sentyabr oyidagi yig‘inlarga chaqirmasligini aytdi.
Bundan anglashiladiki, De Bryune «Arsenal»ga qarshi o‘ynamaydi. Uning kamida sentyabrgacha safdan chiqqanligi taxmin qilingan.
