«Yuventus»ning argentinalik hujumchisi Paulo Dibala «Manchester Yunayted»ga o‘tgan portugaliyalik hujumchi Krishtianu Ronaldu bilan xayrlashdi.
«Sening o‘rningni egallash va hujumda o‘ynash imkoniyatiga ega bo‘lish men uchun katta baxt. Faoliyatingda yangi bosqich boshlanyapti va bu yo‘lda senga omad tilayman!
Tez orada ko‘rishguncha, Krishtianu», - deb yozadi Dibala Instagramida.
Ba’zi ma’lumotlarga ko‘ra, «Manchester Yunayted» 36 yoshli Ronaldu uchun 15 million yevro to‘laydi. Futbolchi ingliz klubi bilan ikki yillik shartnoma imzolagan.
