Bellator jangchisi Diana Avsaragova 29 avgust kuni UFC Vegas 35 turnirining asosiy kartasi doirasida bo‘lib o‘tadigan o‘zbek jangchisi Mahmud Murodov va amerikalik Jerald Mirshert o‘rtasidagi jang haqida o‘z fikrlari bilan o‘rtoqlashdi.
"Hamzat Chimayev allaqachon Jeraldning saviyasini ko‘rsatdi va uni jang boshida "uxlash"ga jo‘natdi. O‘ylaymanki, Mahmud uni ham shunday qiladi. Jerald doimo kuchli zarbalar o‘tkazib yuboradi. Shuning natijasida nokautlarga uchragan. O‘ylaymanki, Mahmud Murodov birinchi raunddayoq texnik nokaut bilan g‘alaba qozondi", - deydi Avsaragova Sport24 nashriga bergan intervyusida.
Eslatib o‘tamiz, Mahmud Murodov va Jerald Mirshert o‘rtasidagi jang ertaga tong 07:00da bo‘lib o‘tadi.