Bellator жангчиси Диана Авсарагова 29 август куни UFC Vegas 35 турнирининг асосий картаси доирасида бўлиб ўтадиган ўзбек жангчиси Маҳмуд Муродов ва америкалик Жеральд Миршерт ўртасидаги жанг ҳақида ўз фикрлари билан ўртоқлашди.
"Ҳамзат Чимаев аллақачон Жеральднинг савиясини кўрсатди ва уни жанг бошида "ухлаш"га жўнатди. Ўйлайманки, Маҳмуд уни ҳам шундай қилади. Жеральд доимо кучли зарбалар ўтказиб юборади. Шунинг натижасида нокаутларга учраган. Ўйлайманки, Маҳмуд Муродов биринчи раунддаёқ техник нокаут билан ғалаба қозонди", - дейди Авсарагова Sport24 нашрига берган интервьюсида.
Эслатиб ўтамиз, Маҳмуд Муродов ва Жеральд Миршерт ўртасидаги жанг эртага тонг 07:00да бўлиб ўтади.