"Roma" hujumchisi Borxa Mayoral faoliyatini boshqa klubda davom ettirishi mumkin, deya xabar beradi jurnalist Nikolo Skira. Manbaga ko‘ra, "Fiorentina" va "Kristal Pelas" 24 yoshli ispaniyalik hujumchiga da’vogarlik qilmoqda. Ma’lum bo‘lishicha, futbolchi transfer oynasining oxirgi kunlarida rim klubini tark etishi mumkin.
Ma’lumot uchun, Mayoral -"Real" tarbiyalanuvchisi bo‘lib, uni "Roma" Madrid klubidan 2022-
yilning yozigacha ijaraga olgan edi. O‘tgan mavsumda forvard rimliklar safida 45 ta o‘yinda
maydonga tushib, 17 ta gol va 7 ta golli uzatmani amalga oshirgan. Transfermarkt portali
futbolchining narxini 14 million yevroga baholamoqda.
