"Рома" ҳужумчиси Борха Майорал фаолиятини бошқа клубда давом эттириши мумкин, дея хабар беради журналист Николо Скира. Манбага кўра, "Фиорентина" ва "Кристал Пэлас" 24 ёшли испаниялик ҳужумчига даъвогарлик қилмоқда. Маълум бўлишича, футболчи трансфер ойнасининг охирги кунларида рим клубини тарк этиши мумкин.
Маълумот учун, Майорал -"Реал" тарбияланувчиси бўлиб, уни "Рома" Мадрид клубидан 2022-
йилнинг ёзигача ижарага олган эди. Ўтган мавсумда форвард римликлар сафида 45 та ўйинда
майдонга тушиб, 17 та гол ва 7 та голли узатмани амалга оширган. Трансфермаркт портали
футболчининг нархини 14 миллион еврога баҳоламоқда.
